DGHS Recruitment 2023 : కేంద్ర డైరెక్టరేట్‌ జనరల్‌ ఆఫ్‌ హెల్త్‌ సర్వీసెస్‌లో 487 పోస్టుల భర్తీ
మొత్తం 240 మార్కులకు రాతపరీక్ష ఉంటుంది. పరీక్షలో మొత్తం 60 ప్రశ్నలు ఉంటాయి. ప్రతిప్రశ్నకు ఒకమార్కు కేటాస్తారు. ఇక ప్రతి తప్పు సమాధానానికీ 1 మార్కు మైనస్ చేస్తారు. పరీక్షకు 60 నిమిషాలు కేటాయిస్తారు. ప్రశ్నపత్రం ఆబ్జెక్టివ్‌ విధానంలో ఇంగ్లిష్, హిందీ భాషల్లో ఉంటుంది.
- Published By: 10TV Digital Team ,Published On : November 16, 2023 / 10:24 AM IST
Health Department Recruitment 2023
DGHS Recruitment 2023 : కేంద్ర ఆరోగ్య, కుటుంబ సంక్షేమ మంత్రిత్వ శాఖకు చెందిన డైరెక్టరేట్‌ జనరల్‌ ఆఫ్‌ హెల్త్‌ సర్వీసెస్‌లో పలు పోస్టుల భర్తీ చేపట్టనున్నారు. ఈ నోటిఫికేషన్ ద్వారా దేశవ్యాప్తంగా ఉన్న వివిధ వైద్య సంస్థల్లో 487 పోస్టులను భర్తీ చేయనున్నారు. న్యూఢిల్లీ, ముంబయి, కోల్‌కతా, చెన్నై నగరాల్లోని వైద్య సంస్థల్లోని ఖాళీలను భర్తీ చేస్తారు. ఆసక్తి, అర్హతలున్నవారు ఆన్లైన్ ద్వారా దరఖాస్తులు చేసుకోవాల్సి ఉంటుంది. కంప్యూటర్‌ ఆధారిత పరీక్ష (సీబీటీ) ఆధారంగా ఉద్యోగాలను ఎంపిక చేస్తారు.
READ ALSO : Telangana Assembly Polls : ఏడుపదుల వయసు దాటినా ఎన్నికల బరిలో నిలిచిన సీనియర్లు…ఇదీ తెలంగాణ అసెంబ్లీ సిత్రం
హెల్తె ఇన్ స్పెక్టర్, ఫీల్డ్ వర్కర్, రిసెర్చ్‌ అసిస్టెంట్, టెక్నీషియన్, ల్యాబొరేటరీ అటెండెంట్, ల్యాబొరేటరీ టెక్నీషియన్, మెడికల్‌ సోషల్‌ వెల్ఫేర్‌ ఆఫీసర్, ఎక్స్‌రే టెక్నీషియన్, మెడికల్‌ ల్యాబొరేటరీ టెక్నాలజిస్ట్, లైబ్రరీ అండ్‌ ఇన్ఫర్మేషన్‌ అసిస్టెంట్, లైబ్రరీ క్లర్క్, ఫిజియోథెరపిస్ట్, యానిమల్‌ అటెండెంట్, లైబ్రరీ క్లర్క్, నర్సింగ్‌ ఆఫీసర్ (స్టాఫ్‌నర్స్‌), పారామెడికల్‌ వర్కర్, వర్క్‌షాప్‌ అటెండెంట్ తదితర పోస్టులు ఖాళీగా ఉన్నాయి.
దరఖాస్తు చేసుకునేవారి అర్హతలు ;
హెల్త్‌ ఇన్‌స్పెక్టర్‌ ఖాళీలు మొత్తం 70 పోస్టులు ఉన్నాయి. ఈ పోస్టులకు దరఖాస్తు చేసుకునే అభ్యర్ధులు ఏదైనా డిగ్రీ, శానిటరీ ఇన్‌స్పెక్టర్‌/ హెల్త్‌ ఇన్‌స్పెక్టర్‌/ శానిటరీ హెల్త్‌ ఇన్‌స్పెక్టర్‌ డిప్లొమాలో ఉత్తీర్ణులై ఉండాలి. లేదంటే ఇంటర్ సమానమైన శానిటరీ ఇన్‌స్పెక్టర్‌/ హెల్త్‌ ఇన్‌స్పెక్టర్‌/ శానిటరీ హెల్త్‌ ఇన్‌స్పెక్టర్‌ డిప్లొమాలో పాసై ఉండాలి. అలాగే రెండేళ్ల ఉద్యోగ అనుభవం కలిగి ఉండాలి. అభ్యర్ధుల గరిష్ఠ వయోపరిమితి 30 ఏళ్లకు మించరాదు.
ఫీల్డ్ వర్కర్ పోస్టులు మొత్తం 140 ఖాళీలు ఉన్నాయి. పదోతరగతి పాసైనవారు ఈ పోస్టులకు దరఖాస్తు చేసుకోవచ్చు. అభ్యర్ధుల గరిష్ఠ వయోపరిమితి 25 ఏళ్లకు మించరాదు.
READ ALSO : Weather Update : బంగాళాఖాతంలో తీవ్ర వాయుగుండం.. ఉరుములు మెరుపులతో కూడిన భారీ వర్షాలు
ల్యాబొరేటరీ అటెండెంట్ పోస్టులు మొత్తం 69 ఖాళీలు ఉన్నాయి. ఈ పోస్టులకు దరఖాస్తు చేసుకునే వారు పదో తరగతి పాసై ఉండాలి. మెడికల్‌ ల్యాబొరేటరీ టెక్నిక్స్‌/యానిమల్‌ కేర్‌/ల్యాబొరేటరీ యానిమల్‌ కేర్‌/ప్రొడక్షన్‌ ఆఫ్‌ ఇమ్యునో బయలాజికల్‌ అండ్‌ యానిమల్‌ కేర్‌/వెటరినరీ ల్యాబొరేటరీ టెక్నాలజీలో ఏడాది ట్రైనింగ్‌ సర్టిఫికెట్‌ లేదా ఏడాది డిప్లొమా కోర్సు చేసి ఉండాలి. అభ్యర్ధుల గరిష్ఠ వయోపరిమితి 27 ఏళ్లకు మించరాదు.
నర్సింగ్‌ ఆఫీసర్ పోస్టులు 16 ఖాళీలు ఉన్నాయి. ఈ పోస్టులకు దరఖాస్తు చేసుకునే అభ్యర్ధులు బీఎస్సీ (ఆనర్స్‌) నర్సింగ్‌లో ఉత్తీర్ణత పొంది ఉండాలి. నర్స్‌ అండ్‌ మిడ్‌వైఫ్‌గా రాష్ట్ర నర్సింగ్‌ కౌన్సిల్‌లో రిజిస్టరై ఉండాలి. లేదంటే జనరల్‌ నర్సింగ్‌ మిడ్‌వైఫరీ డిప్లొమా చేసి రాష్ట్ర నర్సింగ్‌ కౌన్సిల్‌లో నర్స్‌ అండ్‌ మిడ్‌వైఫ్‌గా రిజిస్టరై ఉండాలి. 50 పడకల హాస్పిటల్‌లో కనీసం ఏడాది పాటు పనిచేసిన అనుభవం కలిగి ఉండాలి. అభ్యర్ధుల గరిష్ఠ వయోపరిమితి 30 ఏళ్లకు మించరాదు.
READ ALSO : AIIMS Bilaspur Recruitment 2023 : ఎయిమ్స్‌ బిలాస్‌పూర్‌లో టీచింగ్‌ పోస్టుల భర్తీ
వయోపరిమితి:
పోస్టులవారీగా వయోపరిమితికి సంబంధించి కొన్ని పోస్టులకు 25 సంవత్సరాలు, కొన్నిటికి 27 సంవత్సరాలు. మరికొన్నిటికి 30 సంవత్సరాలుగా నిర్ణయించారు. ప్రభుత్వ నిబంధనల ప్రకారం వయోపరిమితిలో సడలింపులు వర్తిస్తుంది. ఓబీసీలు, ఎక్స్‌-సర్వీస్‌మెన్‌కు మూడేళ్లు, ఎస్సీ,ఎస్టీలు, ప్రభుత్వ ఉద్యోగులకు ఐదేళ్లు, పీడబ్ల్యూబీడీ అభ్యర్థులకు పది నుంచి 15 సంవత్సరాల మినహాయింపు ఉంటుంది.
దరఖాస్తు ఫీజు:
రూ.600. మహిళలకు, ఎసీ, ఎస్టీ, పీడబ్ల్యూబీడీ అభ్యర్థులకు ఫీజు మినహాయింపు వర్తిస్తుంది.
దరఖాస్తు విధానం:
ఆన్లైన్ ద్వారా అభ్యర్ధులు దరఖాస్తు చేసుకోవాల్సి ఉంటుంది.
పరీక్ష విధానం:
మొత్తం 240 మార్కులకు రాతపరీక్ష ఉంటుంది. పరీక్షలో మొత్తం 60 ప్రశ్నలు ఉంటాయి. ప్రతిప్రశ్నకు ఒకమార్కు కేటాస్తారు. ఇక ప్రతి తప్పు సమాధానానికీ 1 మార్కు మైనస్ చేస్తారు. పరీక్షకు 60 నిమిషాలు కేటాయిస్తారు. ప్రశ్నపత్రం ఆబ్జెక్టివ్‌ విధానంలో ఇంగ్లిష్, హిందీ భాషల్లో ఉంటుంది.
పరీక్ష కేంద్రాలు:
ఢిల్లీ & ఎన్‌సీఆర్, చెన్నె, బెంగళూరు, ముంబయి, లక్నో, రాంచీ, చండీగఢ్, గువహటి, కోల్‌కతాలలో పరీక్ష కేంద్రాలు ఏర్పటు చేయనున్నారు.
READ ALSO : Gold Rate Today : పసిడి ప్రియులకు షాకింగ్ న్యూస్.. తెలుగు రాష్ట్రాల్లో తులం బంగారం ధర ఎంతో తెలుసా?
ముఖ్యమైన తేదీలు ;
దరఖాస్తుకు చివరితేదీ 30.11.2023గా నిర్ణయించారు.
ఆన్లైన్ ఫీజు చెల్లింపు చివరి తేదీ: 01.12.2023గా నిర్ణయించారు.
అడ్మిట్‌కార్డ్‌ లను డిసెంబరు మొదటివారంలో డౌన్ లోడ్ చేసుకోవచ్చు.
కంప్యూటర్‌ ఆధారిత పరీక్ష డిసెంబరు రెండోవారంలో నిర్వహించ నున్నారు.
డాక్యుమెంట్‌ వెరిఫికేషన్‌ ను సంబంధించి డిసెంబరు నాలుగోవారంలో ఉంటుంది.
పూర్తి వివరాలకు వెబ్ సైట్ https://aiihph.gov.in/ పరిశీలించగలరు.
