రోగాలు కావాలా: మా టిష్యూలను వాడమంటున్న కంపెనీ   

  • Published By: veegamteam ,Published On : January 24, 2019 / 11:16 AM IST
రోగాలు కావాలా: మా టిష్యూలను వాడమంటున్న కంపెనీ   

Updated On : January 24, 2019 / 11:16 AM IST

మీకు రోగాలు కావాలంటే మా కంపెనీ టిష్యూలకే కొనండి
200 ల రకాల వైరస్ లు ఫ్రీ అంటు ప్రచారం
ఒక్కసారి రోగాలు తెచ్చుకోండి..మా టిష్యూలు వాడండి 
తుమ్మితే వచ్చే వైరస్‌లే బెటర్ అంటోంది కంపెనీ
మూడు పువ్వులు ఆరు కాయలుగా లాభాల బాటలో సదరు కంపెనీ 

లాస్ ఏంజెల్స్ : మీకు రోగాలు కావాలా? రోగాలు తెచ్చుకోవాల‌నుకుంటున్నారా? సీజ‌న‌ల్ రోగాల‌కు ఒక‌సారి తెచ్చుకొని.. నిశ్చింత‌గా జీవించండి. రోగం కావాలంటే మా టిష్యూ వాడండి అంటూ ప్ర‌చారం చేస్తోంది ఆ కంపెనీ. అందుకే.. 200 రకాల వైరసులతో కూడిన టిష్యూలను అమ్ముతోంది కంపెనీ. ఆ టిష్యూలు కూడా మనిషి తుమ్మితే వచ్చే తుప్పిర్లతో ఉంటాయి. ఇంజెక్షన్లు, ట్యాబెట్లు కన్నా.. మనిషి తుమ్మితే వచ్చే వైరస్‌లే బెటర్ అంటోంది కంపెనీ. అందుకే.. వాడేసిన టిష్యూలను అమ్మటమే కాక లాభాలా బాటలో వుందట ఆ ఆన్ లైన్  కంపెనీ..కొంతమంది మాత్రం ఈ టిష్యూలను వ్యతిరేకిస్తున్నారు. కోరి కోరి రోగాలను తెచ్చుకోవడం ఏందిరా సామీ.. ఆ ఐడియా నీకు ఎవరిచ్చార్రా సామి అంటున్నారు కొందరు విమర్శకులు. మరి ఆ రోగాల కంపెనీ పేరు తెలుసుకోవాలని వుందా..అదే లాస్ ఏంజెల్స్‌కు చెందిన వేవ్  ఆన్ లైన్ కంపెనీ.

దీంతో ఆ కంపెనీ ఒకరు వాడిన టిష్యూలనే మళ్లీ అమ్ముతుంది. అది కూడా అలాంటి ఇలాంటి రేటు కాదు వాడని టిష్యూలకన్నా వాడిన టిష్యూలకే రేటు ఎక్కువ. ఒక్క టిష్యూ బాక్స్ 5700 రూపాయలు.  ఏంటీ జోకనుకుంటున్నారా..కాదండీ బాబు నిజ్జంగా నిజం.. వాడేసిన టిష్యూలను ఎవరు తీసుకుంటారు అనే డౌట్ మీకు వచ్చే ఉంటుంది కానీ.. దాంట్లో పెద్ద మతలబు ఉంది లేండి. సీజన్ మారుతున్నప్పుడు.. కొత్త సీజన్ వచ్చినప్పుడు రకరకాల వైరస్‌లు, ఫ్లూలు సోకుతుంటాయి. దాంతో ఫీవర్, దగ్గు, జలుబు, వంటి వ్యాధులు వస్తుంటాయి. ఇది సర్వ సాధారణంగా జరిగేదే. ఆ వైరస్ వల్ల ఏదైనా ఆరోగ్య సమస్య ఒక్కసారి గనుక వస్తే.. మళ్లీ ఆ సీజన్ అయిపోయే వరకు ఆ వ్యాధి సోకదు. అంటే ఒక్కసారి వచ్చి పోయిందంటే మళ్లీ వస్తుందనే భయం వుండదు కాబట్టి..ఒక్కసారి ఆ టిష్యూలను కొనేసుకుని వాడేస్తే..ఆ వైరస్ వచ్చి పోతుంది. మళ్లీ వస్తుందనే భయం వుండదు.  ఈ కాన్సెప్ట్‌నే సొమ్ము చేసుకుంటోంది లాస్ ఏంజెల్స్‌కు చెందిన వయెవ్ కంపెనీ. తన తెలివితేటలతో వాడేసిన టిష్యూలను మళ్లీ అమ్మేస్తోంది. మంచిగా డబ్బును దండుకుంటోంది.