ఐరన్ లోడు లారీ ఢీకొని మూడు ఏనుగులు మృతి

రోడ్డు దాటుతున్న మూడు ఏనుగులు మృతి చెందాయి. ఒడిశాలోని కియెంఝర్ జిల్లాలో గురువారం (ఆగస్టు 22) తెల్లవారుఝామున లారీ ఢీకొని మూడు ఏనుగులు మృతి చెందాయి. ఘటగావ్ ఫారెస్ట్ రేంజ్ పరిధిలోని బలిజోడి ప్రాంతంలో నేషనల్ హైవే -20ని దాటుతున్న ఏనుగుల గుంపును ఇనుప ఖనిజం లోడు వెళ్తున్న లారీ 3 గంటల సమయంలో వేగంగా వెళ్తూన్న లారీ ఢీకొట్టింది.

ఈ ప్రమాదంలో పదహారేండ్ల ఆడ ఏనుగు, ఏడాది వయసున్న ఏనుగు గున్న అక్కడికక్కడే చనిపోయాయి. తీవ్రంగా గాయపడిన మరో ఆడ ఏనుగు చికిత్స పొందుతూ మరణించింది. ఈ విషయాన్ని ఘటగావ్ ఫారెస్ట్ రేంజ్ ఆఫీస్ అశోక్‌కుమార్ నాయక్ తెలిపారు. కాగా తెల్లవారు ఝామున కావటంతో డ్రైవర్ కు రోడ్డు దాటుతున్న ఏనుగులు కనిపించకపోవటంతో ఈ ప్రమాదం జరిగిందని తెలిపారు.