Abhishek Sharma : ఆస్ట్రేలియాతో నాలుగో టీ20 మ్యాచ్‌.. విరాట్ కోహ్లీ ఆల్‌టైమ్ రికార్డు పై అభిషేక్ శ‌ర్మ క‌న్ను..

ఆస్ట్రేలియాతో నాలుగో టీ20 మ్యాచ్‌కు ముందు టీమ్ఇండియా స్టార్ బ్యాట‌ర్ అభిషేక్ శ‌ర్మ‌ను (Abhishek Sharma) ఓ భారీ రికార్డు ఊరిస్తోంది.

IND vs AUS 4th T20 Abhishek Sharma on cusp of equalling Virat Kohli all time record in T20s

Abhishek Sharma : ఐదు మ్యాచ్‌ల సిరీస్‌లో భాగంగా భార‌త్‌, ఆస్ట్రేలియా జ‌ట్ల మ‌ధ్య గురువారం క్వీన్స్‌ల్యాండ్ వేదిక‌గా నాలుగో టీ20 మ్యాచ్ జ‌ర‌గ‌నుంది. ఈ మ్యాచ్‌కు ముందు టీమ్ఇండియా స్టార్ బ్యాట‌ర్ అభిషేక్ శ‌ర్మ‌ను ఓ భారీ రికార్డు ఊరిస్తోంది. ఈ మ్యాచ్‌లో గ‌నుక అభిషేక్ 39 ప‌రుగులు చేస్తే టీ20 క్రికెట్‌లో అత్యంత వేగంగా 1000 ప‌రుగులు చేసిన భార‌త ఆట‌గాడిగా చ‌రిత్ర సృష్టిస్తాడు.

ప్ర‌స్తుతం ఈ రికార్డు ప‌రుగుల యంత్రం విరాట్ కోహ్లీ పేరిట ఉంది. కోహ్లీ 27 ఇన్నింగ్స్‌ల్లోనే ఈ ఘ‌న‌త సాధించాడు. ఆ త‌రువాతి స్థానంలో కేఎల్ రాహుల్ ఉన్నాడు. 29 ఇన్నింగ్స్‌ల్లో రాహుల్ ఈ ఘ‌న‌త సాధించాడు. ఇక అభిషేక్ శ‌ర్మ విష‌యానికి వ‌స్తే.. ఇప్ప‌టి వ‌ర‌కు 27 టీ20 మ్యాచ్‌లు ఆడాడు. 26 ఇన్నింగ్స్‌ల్లో 37 స‌గ‌టు, 192.2 స్రైక్‌రేటుతో 961 ప‌రుగులు చేశాడు.

Harmanpreet Kaur : ప్ర‌తి రోజు ప్ర‌పంచ‌క‌ప్‌ను చూడొచ్చ‌ని హ‌ర్మ‌న్ ప్రీత్ కౌర్ ఏం చేసిందో చూశారా? పిక్ వైర‌ల్‌

టీమ్ఇండియా త‌రుపున టీ20ల్లో అత్యంత వేగంగా 1000 ప‌రుగులు చేసిన బ్యాట‌ర్లు వీరే..

* విరాట్ కోహ్లీ – 27 ఇన్నింగ్స్‌ల్లో
* కేఎల్ రాహుల్ – 29 ఇన్నింగ్స్‌ల్లో
* సూర్య‌కుమార్ యాద‌వ్ – 31ఇన్నింగ్స్‌ల్లో

ప్ర‌స్తుతం అభిషేక్ శ‌ర్మ మంచి ఫామ్‌లో ఉన్నాడు. ఈ క్ర‌మంలో నాలుగో టీ20 మ్యాచ్‌లోనే అత‌డు ఈ రికార్డును అందుకునే అవ‌కాశాలు ఉన్నాయి. ఒక‌వేళ అదే జ‌రిగితే.. టీ20 క్రికెట్‌లో అత్యంత వేగంగా 1000 ప‌రుగుల మైలురాయిని చేరుకున్న ఏడో ఆట‌గాడిగా రికార్డుల‌కు ఎక్కుతాడు. ఈ జాబితాలో ఇంగ్లాండ్ కు చెందిన డేవిడ్ మ‌ల‌న్ అగ్ర‌స్ఠానంలో ఉన్నాడు. అత‌డు 24 ఇన్నింగ్స్‌ల్లోనే ఈ ఘ‌న‌త సాధించాడు.

Abrar Ahmed : హ్యాట్రిక్ తీశాన‌న్న ఆనందంలో పాక్ స్పిన్న‌ర్‌ అబ్రాద్ అహ్మ‌ద్‌.. నీ కంత సీన్ లేదంటూ షాకిచ్చిన థ‌ర్డ్ అంపైర్‌..

టీ20 క్రికెట్‌లో అత్యంత వేగంగా 1000 ప‌రుగులు చేసిన ఆట‌గాళ్లు వీరే..

* డేవిడ్ మ‌ల‌న్ (ఇంగ్లాండ్) – 24 ఇన్నింగ్స్‌ల్లో
* సబావూన్ డేవిజి (చెక్ రిపబ్లిక్) – 24 ఇన్నింగ్స్‌ల్లో
* కెండెల్ కడోవాకి-ఫ్లెమింగ్ (జపాన్) – 25 ఇన్నింగ్స్‌ల్లో
* బాబర్ ఆజమ్ (పాకిస్తాన్) – 26 ఇన్నింగ్స్‌ల్లో
* డెవాన్ కాన్వే (న్యూజిలాండ్) – 26 ఇన్నింగ్స్‌ల్లో
* ముహమ్మద్ వసీం (యుఏఈ) 26 ఇన్నింగ్స్‌ల్లో
* విరాట్ కోహ్లీ (భార‌త్‌) – 27 ఇన్నింగ్స్‌ల్లో
* కరణ్‌బీర్ సింగ్ (ఆస్ట్రియా) – 27 ఇన్నింగ్స్‌ల్లో
* ఆరోన్ ఫించ్ (ఆస్ట్రేలియా) – 29 ఇన్నింగ్స్‌ల్లో
* కేఎల్ రాహుల్ (భార‌త్‌) – 29 ఇన్నింగ్స్‌ల్లో
* తరంజీత్ సింగ్ (రొమేనియా) – 29 ఇన్నింగ్స్‌ల్లో