Assembly Elections 2023: కాంగ్రెస్ గెలిస్తే ఆయనే సీఎం.. ఆ వెంటనే తూచ్ అంటూ మాట మార్చిన కాంగ్రెస్ చీఫ్ ఖర్గే
ఈ నేపథ్యంలో రెండవ విడత ఎన్నికల కోసం ప్రచారం ముమ్మరంగా సాగుతోంది. ఇందులో భాగంగానే రాష్ట్రంలో ఖర్గే ఎన్నికల ర్యాలీ నిర్వహించారు. వాస్తవానికి ఈ ఎన్నికల్లో కాంగ్రెస్ అభ్యర్థులు లేకుండానే కాంగ్రెస్ ఎన్నికలకు వెళ్తోంది. ఈ నేపథ్యంలో ఆయన ముఖ్యమంత్రిని ప్రకటించడం ఆసక్తిని పెంచింది.
- Published By: 10TV Digital Team ,Published On : November 9, 2023 / 06:54 PM IST
Mallikarjun Kharge: ఛత్తీస్గఢ్ అసెంబ్లీ ఎన్నికల సందర్భంగా రాష్ట్రంలోని కొరియా జిల్లాలోని చర్చా రైల్వే గ్రౌండ్‌లో జరిగిన ఎన్నికల సమావేశంలో కాంగ్రెస్ జాతీయ అధ్యక్షుడు మల్లికార్జున్ ఖర్గే గురువారం ప్రసంగించారు. ఈ సందర్భంగా ఆయన ఓ కీలక వ్యాఖ్య చేసి వెంటనే వెనక్కి తీసుకోవడం చర్చనీయాంశమైంది. అదేంటంటే.. కాంగ్రెస్ పార్టీని గెలిపిస్తే భూపేష్ బాఘేల్ మళ్లీ ముఖ్యమంత్రి అవుతారని ఖర్గే అన్నారు. అంతలోనే మాటమార్చి హైకమాండ్ కోరిన వారే ముఖ్యమంత్రి అవుతారని అన్నారు.
వాస్తవానికి ఛత్తీస్గఢ్ లోని బస్తర్ డివిజన్‌లో ఉన్న 20 స్థానాలకు నవంబర్ 7న పోలింగ్ జరిగింది. మిగిలిన 70 స్థానాలకు నవంబర్ 17న పోలింగ్ జరగనుంది. ఈ నేపథ్యంలో రెండవ విడత ఎన్నికల కోసం ప్రచారం ముమ్మరంగా సాగుతోంది. ఇందులో భాగంగానే రాష్ట్రంలో ఖర్గే ఎన్నికల ర్యాలీ నిర్వహించారు. ఈ సందర్భంలోనే ఆయన భూపేష్ బాఘేల్ మళ్లీ ముఖ్యమంత్రి అవుతారని అన్నారు. వాస్తవానికి ఈ ఎన్నికల్లో ముఖ్యమంత్రి అభ్యర్థులు లేకుండానే కాంగ్రెస్ ఎన్నికలకు వెళ్తోంది. ఈ నేపథ్యంలో ఆయన ముఖ్యమంత్రిని ప్రకటించడం ఆసక్తిని పెంచింది. మళ్లీ అంతలోనే.. ఎన్నికల అనంతరం హైకమాండ్ నిర్ణయిస్తుందని అన్నారు.
ఇక భూపేష్ బఘేల్ ముఖ్యమంత్రి కావచ్చని ఆ రాష్ట్ర కాంగ్రెస్ అధ్యక్షుడు దీపక్ బైజ్ కూడా అన్నారు. తొలి దశలో అన్ని స్థానాల్లో కాంగ్రెస్ మెరుగైన పనితీరు కనబరిచిందన్నారు. 20 స్థానాలకు గానూ కాంగ్రెస్ అత్యధిక స్థానాల్లో విజయం సాధించింది. ఈ ఎన్నికలు దేశ భవిష్యత్తును మార్చే ఎన్నికలని, ఎందుకంటే మోదీ-ఆర్‌ఎస్‌ఎస్ దేశ రాజ్యాంగాన్ని మార్చాలనుకుంటున్నాయని అన్నారు. రాజ్యాంగం ద్వారా పేదలు పొందుతున్న హక్కులను అణగారిన ప్రజలు పొందకూడదని వారు అనుకుంటున్నట్లు విమర్శించారు. వాటిని ఆపాలంటే కాంగ్రెస్ పార్టీ చత్తీస్‌గఢ్‌కు రావాలని, మొత్తం ఐదు రాష్ట్రాలకు రావాలని అన్నారు.
