Venkat Boyanapalli : వెంకటేష్, నానితో మల్టీస్టారర్ తీస్తాను.. ‘సైంధవ్’ నిర్మాత వెంకట్ బోయినపల్లి ఎక్స్‌క్లూజివ్ ఇంటర్వ్యూ..
తాజాగా సైంధవ్ చిత్ర నిర్మాత వెంకట్ బోయినపల్లి మీడియాకు ఇంటర్వ్యూ ఇవ్వగా సినిమా గురించి పలు విషయాలను పంచుకున్నారు.
- Published By: 10TV Digital Team ,Published On : January 6, 2024 / 11:48 AM IST
Venkatesh Saindhav Movie Producer Venkat Boyanapalli Exclusive Interview
Venkat Boyanapalli : టాలీవుడ్ విక్టరీ వెంకటేష్(Venkatesh) తన 75వ సినిమాగా ‘సైంధవ్’(Saindhav) సినిమాతో రాబోతున్నారు. శైలేష్ కొలను(Sailesh Kolanu) దర్శకత్వంలో నిహారిక ఎంటర్టైన్మెంట్ బ్యానర్ పై వెంకట్ బోయినపల్లి నిర్మాణంలో ఈ సినిమా తెరకెక్కుతుంది. సైంధవ్ సినిమాలో శ్రద్ధ శ్రీనాధ్, రుహాణి శర్మ, ఆండ్రియా, నవాజుద్దీన్ సిద్దిఖీ, ఆర్య.. పలువురు ముఖ్య పాత్రలు చేశారు. ఇప్పటికే రిలీజయిన టీజర్, ట్రైలర్, సాంగ్స్ తో సైంధవ్ సినిమాపై మంచి అంచనాలు నెలకొన్నాయి. ఇక సైంధవ్ సినిమా జనవరి 13న సంక్రాంతి కానుకగా రాబోతుంది. దీంతో చిత్రయూనిట్ ప్రమోషన్స్ లో బిజీగా ఉన్నారు. తాజాగా సైంధవ్ చిత్ర నిర్మాత వెంకట్ బోయినపల్లి మీడియాకు ఇంటర్వ్యూ ఇవ్వగా సినిమా గురించి పలు విషయాలను పంచుకున్నారు.
#సైంధవ్ సినిమా ఎలా మొదలైయింది?
వెంకటేష్ గారు నాకు ఇష్టమైన హీరో. నాని గారితో శ్యామ్ సింగరాయ్ సినిమా చేస్తున్న సమయంలో శైలేష్ కొలను ‘హిట్’ ట్రైలర్ చూశాను. అది నాకు, నాని గారికి చాలా నచ్చింది. అప్పటికే నాకు శైలేష్ తో పరిచయం వుంది. వెంకటేష్ గారితో కలసి సినిమా చేస్తే బావుంటుందని అనుకున్నాం. శైలేష్, వెంకటేష్ గారిని కలిసి శైలేష్ చెప్పిన కథ చెప్పగా వెంకటేష్ గారికి నచ్చింది. 24 గంటల్లో ప్రాజెక్ట్ ఓకే అవ్వడం నాకూ చాలా సర్‌ప్రైజ్ గా అనిపించింది.
#ఇది వెంకటేష్ గారి 75వ సినిమాని మీకు ముందే తెలుసా?
వెంకటేష్ గారితో కలసి పని చేయాలని నా కోరిక. శైలేష్ ఒక్కడే వెళ్లి ప్రాజెక్ట్ ఓకే చేయించుకొని వచ్చాడు. ఈ విషయంలో క్రెడిట్ అతనికి దక్కుతుంది. ఇది వెంకటేష్ గారి 75వ సినిమా అని తెలుసు కానీ ఆయన ఒప్పుకుంటారా లేదా అనేది తెలీదు. మా ప్రయత్నం మేము చేశాం. ఆయన ఒప్పుకున్నారు.
#చాలా మంది స్టార్స్ ఉన్నారు కదా.. బడ్జెట్ ఎక్కువైందా?
సైంధవ్ కథ చాలా పెద్దది. కథ అనుకున్నప్పుడే ఇది బడ్జెట్ ఎక్కువే ఉంటుంది అని తెలుసు. కథకు తగట్టుగా చాలా గ్రాండ్ గా నిర్మించాం.
#సంక్రాంతికి ఫ్యామిలీ కథలు వస్తాయి. ఇలాంటి యాక్షన్ కథలు రావడం అరుదు కదా?
‘సైంధవ్’ చూస్తున్నప్పుడు అందులోని అద్భుతమైన ఎమోషన్ కన్నీళ్లు తెప్పిస్తుంది. సినిమా చూసి బయటికి వస్తున్ననప్పుడు ప్రేక్షకుడి కళ్ళల్లో భావోద్వేగంతో కూడిన కంటతడి కనిపిస్తుంది. ‘సైంధవ్’ న్యూ ఏజ్ యాక్షన్ తో కూడిన ఓ మంచి ఫ్యామిలీ సినిమా.
#వెంకటేష్ గారు ప్రమోషన్స్ లో కాలేజీ ఈవెంట్స్ కి హాజరవ్వడం ఎలా అనిపించింది?
వెంకటేష్ గారు చాలా సరదాగా ఉంటారు. సినిమా అవుట్ పుట్ పై చాలా ఆనందంగా వున్నారు. ఆయన సహజంగానే చాలా యాక్టివ్ గా వుంటారు. ప్రమోషనల్ ఈవెంట్స్ ని చాలా ఎంజాయ్ చేస్తూ చేశారు.
#మీ సినిమాలలో మ్యూజిక్ ని కొంచెం డిఫరెంట్ గా, మ్యూజిక్ డైరెక్టర్స్ ని కూడా మారుస్తారు?
ఏదైనా సబ్జెక్ట్ ని బట్టి వుంటుంది. శ్యామ్ సింగరాయ్ కి సాఫ్ట్ మ్యూజిక్ కావాలి. అందుకు మిక్కీ జే మేయర్ చక్కని మ్యూజిక్ ఇచ్చారు. సైంధవ్ యాక్షన్, ఎమోషన్ లార్జర్ గా ఉంటాయి. సంతోష్ నారాయణ్ చాలా అద్భుతంగా ఇచ్చాడు మ్యూజిక్.
#ఒక సినిమా హిట్ అవ్వగానే కొంతమంది నిర్మాతలు హీరోలకు, దర్శకులకు అడ్వాన్స్ లు ఇస్తారు.. మీరు?
ఇష్టమైన వ్యక్తులతో పని చేయాలని అనుకుంటాను. నాని గారు నాతో రెండు సినిమాలు చేసి నన్ను నిర్మాతని చేశారు. ఆయన అంటే మొదటి నుంచి ఇష్టం. అలాగే వెంకటేష్ గారు కూడా చాలా ఇష్టం. నాకు ఇష్టమైన ఇద్దరి హీరోలతో కలసి సినిమాలు చేశాననే ఆనందం ఉంది. నేను ఎవరితో అవకాశం వచ్చినా చేస్తాను.
Also Read : సంక్రాంతికి బరిలో ఏకంగా పదిమంది హీరోయిన్స్.. థియేటర్స్‌లో అందాల పండగే..
#‘వెంకీ 75’ వేడుక ఆలోచన ఎవరిది?
ఇది రానా గారి ఆలోచన. సినిమా మొదలుపెట్టినపుడే స్పెషల్ చేయాలని అనుకున్నాం. రానా గారు వేడుక ఆలోచన చెప్పారు. ఆ క్రెడిట్ రానా గారికి దక్కుతుంది.
#రవితేజ గారి ‘ఈగల్’ వాయిదా మీకే ఎక్కువ హెల్ప్ అవుతుందని అంటున్నారు?
వాయిదా వేయడం ఆయన గొప్పదనం. ఇది నాకే కాదు, అందరికి బెనిఫిట్ అవుతుందని అనుకుంటున్నాం.
#వెంకటేష్, నాని గారితో మల్టీస్టారర్ చేయాలనే ఆలోచనలో ఉన్నారని టాక్?
అవునండీ. వెంకటేష్ గారు, నాని గారు నాకు ఇష్టమైన హీరోలు. ఇద్దరితో విడివిడిగా సినిమాలు చేశాను. వారిద్దరితో మల్టీస్టార్ట్ మూవీ చేయాలనేది నా డ్రీమ్. నేను చేయాలని ప్రయత్నిస్తా. ఎవరు చేసినా ఎంజాయ్ చేస్తాను.
Also Read : అంతగా ఏముంది ఈ సిరీస్‌లో.. ‘కర్రీ & సైనేడ్’.. రెండు వారాలుగా 30 దేశాల్లో టాప్ 10 ప్లేస్‌లో..
