దటీజ్ ఉపాసన: పేడ ఎత్తుతూ..కుడితి కలుపుతూ..లాక్ డౌన్ లో బిజీ బిజీ

  • Published By: nagamani ,Published On : May 15, 2020 / 06:11 AM IST
దటీజ్ ఉపాసన: పేడ ఎత్తుతూ..కుడితి కలుపుతూ..లాక్ డౌన్ లో బిజీ బిజీ

ఉపాసన అంటేనే ఓ బ్రాండ్. కామినేనివారి ఆడబిడ్డ..మెగాస్టార్ కోడలు అనే పరిచయాలు ఏమాత్రం అవసరం లేని పేరు ఉపాసన. సోషల్ మీడియాను షేక్ చేసే ఉపాసనకు ఎప్పుడూ చక్కటి గుర్తింపు ఉంది. పర్యావరణ ప్రేమికురాలిగా.. వ్యక్తిత్వాన్ని నిలబెట్టుకునే మహిళగా తనకంటూ ఓ ప్రత్యేక గుర్తింపు ఏర్పరచుకుంది. ఉపాసన గురించి ఎప్పుడూ చెప్పుకున్నా..ఓ విశేషం ఉంటుంది. ఇప్పుడు కూడా అటువంటి విశేషమే ఉంది మరి..

కోట్లకు అధిపతి అయ్యుండి కూడా సాధారణ వ్యక్తిలా ఉండటం ఆమె ప్రత్యేకత. ఆవులకు గడ్డి వేస్తూ.. వాటికి కుడితి నీళ్లు కలుపుతూ.. పేడ ఎత్తుతూ కనిపించింది. తండ్రితో కలిసి సేంద్రీయ వ్యవసాయం చేయడం నేర్చుకుంటోంది.  సోషల్ మీడియాలో యాక్టివ్ గా ఉండే ఉపాసన దీనికి సంబంధించిన ఫోటోలు సోషల్ మీడియాలో పోస్ట్ చేసింది. పోస్ట్ చేసిన క్షణం నుంచి వైరల్ గా మారాయి. దటీజ్ ఉపాసన. 

అంతేకాదు గోబర్ గాళ్ విత్ డాడ్ అంటూ..వ్యవసాయం చేయడం నేర్చుకుంటున్నాని చెబుతోంది. లాక్‌డౌన్‌లో ఏమాత్రం ఖాళీగా ఉండకుండా కొత్తకొత్త పనులు నేర్చుకుంటూ సమయాన్ని సద్వినియోగం చేసుకుంటోంది. వ్యవసాయం ఎలా చేయాలి..పశువుల్ని ఎలా చూసుకోవాలి.. వేస్టేజ్‌ను ఎలా తగ్గించాలి.. దాన్ని మళ్లీ ఎలా తిరిగి వాడుకోవాలి అనే వాటి గురించి తెలుసుకుంటోంది ఉపాసన.

Read Here >> రానా పెళ్లి ఎప్పుడంటే?: సురేష్ బాబు క్లారిటీ!