నోట్ల కలకలం: ఓ ఇంట్లో రూ.5.78 లక్షలు సీజ్

15:33 - December 6, 2018

రంగారెడ్డి: ఎన్నికల వేళ అధికారులు జరుపుతున్న తనిఖీల్లో భారీగా నగదు పట్టుబడుతోంది. ఇప్పటికే వందల కోట్ల రూపాయలను అధికారులు స్వాధీనం చేసుకున్నారు. తాజాగా ఇబ్రహీంపట్నంలో నోట్ల కలకలం చెలరేగింది. ఎస్‌వోటీ పోలీసులు జరిపిన తనిఖీల్లో ఓ ఇంట్లో రూ.5.78లక్షలు నగదు లభ్యమైంది. సరైన ఆధారాలు చూపకపోవడంతో పోలీసులు ఆ నగదును సీజ్ చేశారు. ఈ డబ్బు బీఎస్పీ అభ్యర్థి మల్‌రెడ్డి అనుచరులదిగా పోలీసులు గుర్తించారు.
పోలింగ్‌కు మరికొన్ని గంటల సమయం మాత్రమే మిగిలుంది. దీంతో ఓటర్లను ప్రలోభపెట్టేందుకు అభ్యర్థులు తీవ్ర ప్రయత్నాలు చేస్తున్నారు. ఓటుకి రేటు కడుతున్నారు. మరోవైపు ప్రలోభాలను అడ్డుకునేందుకు ఎన్నికల సంఘం అధికారులు నిఘా పెంచారు. ముమ్మరంగా తనిఖీలు చేస్తున్నారు.

Don't Miss