కేసీఆర్

20:50 - February 21, 2018

అయ్యో తెలంగాణ సర్కారును నోటికొచ్చినట్టు తిడ్తున్నరు సోషల్ మీడియాల జనం..తెలంగాణ ప్రజలారా..? మీకు తెల్సా..? మీరు ఎంత అప్పులళ్ల జిక్కిన సంగతి..? ఏ జగదీశ్వర్ రెడ్డి గురించి నేనెందుకు మాట్లాడ్త.. ఆయన తీన్ పీటుంటడు.. తెలంగాణ కాంగ్రెస్ పార్టీ రాబోయే ఎన్నికల కోసం తయ్యారైనట్టే అనిపిస్తున్నది...ఆర్ఎస్ పార్టీకి ధమ్ముంటే.. కాంగ్రెస్ పార్టీల గెల్చి టీఆర్ఎస్ పార్టీల జేరిన ఎమ్మెల్యేలు, ఎంపీలు..పదవుల కోసం మేము బుట్టలేదు.. పదవులే మాకోసం బుట్టినయ్ అంటున్నడు.. కరీంనగర్ ఎంపీ వినోద్...గొర్ల పత్కం గోవిందా గోవిందా.. ఏ గొల్లకుర్మాయిన జూడు.. జగిత్యాల జిల్లా హస్నాబాద్ కాడ.. ఒకామెకు నిన్న శిగమొచ్చిందట.. గిసొంటి ముచ్చట్లు చూడాలంటే వీడియో క్లిక్ చేయండి. 

20:25 - February 20, 2018

తెలంగాణ ప్రజలారా.?? మీరంత మళ్లొకపారి తలా ఒక పువ్వు దెంపుకోని తయ్యారు వెట్టుకోండ్రి..పేదల కష్టాలను నా భుజస్కందాల మీద ఏస్కోని మోయడానికి నేను సిద్దంగా ఉన్నాను అంటున్నడు నారా చంద్రాలు సారు.. తెలంగాణ రాష్ట్రమొస్తె మన నీళ్లు మనకొస్తయనుకున్నం.. వచ్చేశ్నయ్.. ఇంటి దీపమని ముద్దువెట్టుకుంటే మూతి మీసాలు గాలినట్టు.. అయ్యో పాపం ముఖ్యమంత్రిగారికి అల్లుడు.. గదా అని ఓట్లేశి గెలిపిచ్చుకుంటే.. రైతులు నోరుమూస్కోవాలె తప్ప.. నా పంటకు మద్దతు ధర ఏది అని మాత్రం అడ్గొద్దు.. ప్రజలు కోరుకునేది ఒకటైతె పోలీసోళ్లు ఇస్తున్నది ఇంకోటి.. తెలంగాణల శాంతి భద్రతలు ఎట్లున్నయే నాయిని నర్సన్నా అని పొరపాటున అడ్గితె.. దేవునికాడ శక్తులే ఉంటే.. గుడికి తాళాలేసుడు ఎందుకు..? గీ గరం గరం ముచ్చట్ల కోసం వీడియో క్లిక్ చేయండి.....

21:28 - February 18, 2018

హైదరాబాద్ : ఈ నెల 25, 26 తేదీల్లో మండల రైతు సమన్వయ సమితిల ప్రాంతీయ సదస్సులు నిర్వహించాలని సీఎం కేసీఆర్ నిర్ణయించారు. ప్రగతి భవన్‌లో వ్యవసాయ శాఖపై జరిగిన సమీక్షలో కేసీఆర్ పలు అంశాలపై అధికారులతో చర్చించారు. వ్యవసాయాన్ని లాభసాటిగా చేసేందుకు ప్రభుత్వం తీసుకుంటున్న చర్యలను రైతులకు చేర్చే విషయంలో రైతు సమన్వయ సమితిలు కీలక పాత్ర పోషించాలని కేసీఆర్ అధికారులకు సూచించారు. ఈనెల 25న హైదరాబాద్‌లోని వ్యవసాయ విశ్వ విద్యాలయంలో, 26న కరీంనగర్ అంబేడ్కర్ స్టేడియంలో ప్రాంతీయ సదస్సులు నిర్వహిస్తామని వెల్లడించారు.

11:50 - February 17, 2018

హైదరాబాద్ : తెలంగాణ ముఖ్యమంత్రి కేసీఆర్ జన్మదినం సందర్భంగా... ఆయన కూతురు కవిత.. సికింద్రాబాద్ మహంకాళి ఆలయంలో.. ప్రత్యేక పూజలు నిర్వహించారు. ముందుగా... పూజారులు... ఆమెకు ఆలయ మర్యాదలతో స్వాగతం పలికారు. అనంతరం కేసీఆర్ పేరు మీద ప్రత్యేక పూజలు నిర్వహించారు. ఈ కార్యక్రమంలో మంత్రి తలసాని శ్రీనివాస్ యాదవ్, స్థానిక టీఆర్ఎస్ నేతలు పాల్గొన్నారు.

06:35 - February 16, 2018

హైదరాబాద్ : ఇచ్చిన హామీలను నెరవేర్చాలని తెలంగాణ సీఎం కేసీఆర్‌ కేంద్ర ఆర్ధికమంత్రి అరుణ్‌జైట్లీని కోరారు. ఢిల్లీలో పర్యటిస్తున్న సీఎం.. కేంద్రమంత్రిని కలిసి అనేక అంశాలపై చర్చించారు. రాష్ట్రంలో ఎయిమ్స్‌ మంజూరు చేస్తున్నట్లు ప్రకటించినప్పటికీ నిధులివ్వలేదన్న కేసీఆర్‌... రాష్ట్ర ప్రభుత్వం తరపున స్థలం, మౌలిక వసతులు కల్పించేందుకు సిద్ధంగా ఉన్నామన్నారు. కేసీఆర్‌ ఇవాళ మరికొంత మంది కేంద్రమంత్రులను కలవనున్నారు.

విభజన చట్టంలోని హామీలను అమలు చేయాలని కేసీఆర్‌ అరుణ్‌జైట్లీని కోరారు. రాష్ట్రంలో వెనకబడిన జిల్లాలకు సాయం చేయాలని విజ్ఞప్తి చేశారు. తెలంగాణలోని తొమ్మిది పాత జిల్లాలను వెనకబడిన ప్రాంతాలుగా గుర్తించినందుకు జైట్లీకి కేసీఆర్‌ ధన్యవాదాలు తెలిపారు. 2014 నుండి 2017 వరకు రాష్ట్రానికి రావాల్సిన 1350 కోట్లు విడుదల చేయడం పట్ల కృతజ్ఞతలు తెలిపారు. 2017-18 నిధులను కూడా విడుదల చేయాలని కోరారు.

ఇక గతంలో ఇచ్చిన హామీ మేరకు తెలంగాణలో ఎయిమ్స్‌, ఐఐఎమ్‌లు మంజూరు చేయాలని కేసీఆర్‌ విజ్ఞప్తి చేశారు. ఎయిమ్స్‌ మంజూరు ఇస్తే రాష్ట్ర ప్రభుత్వం తరపున అవసరమైన ప్థలం ఇవ్వడంతో పాటు... మిగిలిన మౌలిక వసతులు కల్పించేందుకు సిద్దంగా ఉన్నట్లు కేసీఆర్‌ తెలిపారు. ఇవాళ కూడా ఢిల్లీలో ఉండనున్న కేసీఆర్‌ పలువురు కేంద్రమంత్రులను కలిసే అవకాశం ఉన్నట్లు తెలుస్తోంది. 

06:47 - February 14, 2018

హైదరాబాద్ : జనాభాలో 50శాతంగా ఉన్న బీసీలకు రిజర్వేషన్లలో తీరని అన్యాయం జరుగుతోందన్నారు కాంగ్రెస్‌ సీనియర్‌నేత వీహెచ్‌. ప్రస్తుతం 27శాతం రిజర్వేషన్లు అమలు చేస్తున్నామని చెబుతున్నా..వాటిలో బీసీలకు చేరేది మాత్రం 9శాతంగా మాత్రమే ఉందన్నారు. అత్యంత వెనుకపడిన కులాలు అంటూ బీసీలకు సీఎం కేసీఆర్‌ మరింత అన్యాయం చేస్తున్నారని వీహెచ్‌ విమర్శించారు. క్రీమిలేయర్‌ నిబంధనలతో బీసీల పిల్లలు చదువులకు దూరం అవుతున్నారని ఆవేదన వ్యక్తం చేశారు. ఇప్పటికై ప్రధాని మోదీ బీసీలపై ఉన్న క్రీమిలేయర్‌ నిబంధనలు ఎత్తివేయాలని వీహెచ్‌ డిమాండ్‌ చేశారు.

 

14:36 - February 10, 2018
21:43 - February 9, 2018

హైదరాబాద్ : తెలంగాణ ముఖ్యమంత్రి కేసీఆర్ రాత్రికి ఢిల్లీ వెళ్లారు. నాలుగు రోజుల పాటు ఆయన ఢిల్లీలోనే ఉండనున్నారు. పర్యటనలో భాగంగా కేంద్రమంత్రులను కలవనున్నారు. కేంద్ర బడ్జెట్‌లో తెలంగాణకు మొండిచెయ్యి చూపించడంతో ఈ పర్యటనకు ప్రాధాన్యత సంతరించుకుంది. రాష్ట్రానికి చెందిన పలు సమస్యలపై ఆయన కేంద్రమంత్రులకు వినతిపత్రం అందజేయనున్నారు. ఫార్మాహబ్ నిర్మాణానికి సహకారం, కాళేశ్వరం జాతీయ ప్రాజెక్ట్ అంశాలపై కేంద్రమంత్రులతో చర్చించనున్నారు. వీటితో పాటు నియోజకవర్గాల పునర్విభజన, లోక్‌సభ ముందస్తు ఎన్నికలు, జమిలీ ఎన్నికలపై కేసీఆర్ జాతీయ స్థాయిలో పార్టీల అభిప్రాయాలు కూడా తెలుసుకునే అవకాశముంది.

17:05 - February 9, 2018

హైదరాబాద్ : ముఖ్యమంత్రి కేసీఆర్ నేడు రాత్రి ఢిల్లీకి వెళ్లబోతున్నాడు. రేపు ప్రధాని మోడీ, కేంద్ర మంత్రులతో ఆయన భేటీ కానున్నారు. రాష్ట్ర సమస్యలపై కేంద్ర మంత్రులకు కేసీఆర్ వినతి పత్రం ఇవ్వనున్నారు. బడ్జెట్ లో తెలంగాణకు మొండిచెయ్యి చూపించడంతో ఈ పర్యటకు ప్రాధాన్యత సంతరించుకోనుంది. మరింత సమాచారం కోసం వీడియో క్లిక్ చేయండి. 

18:33 - February 6, 2018

హైదరాబాద్ : బీజేపీకి మద్దతిచ్చినంతకాలమే తెలుగు రాష్ట్రాల సీఎంలు చంద్రబాబు..కేసీఆర్ లు బయట ఉంటారని సీపీఐ నేత నారాయణ పేర్కొన్నారు. వ్యతిరేకిస్తే ఇద్దరికీ జైల్లో ఉంటామన్న భయం ఉందన్నారు. ఇక కేంద్ర ప్రభుత్వం ఇటీవలే ప్రవేశ పెట్టిన బడ్జెట్ పై బాబువి పై పై విమర్శలు అని తెలిపారు. 

Pages

Don't Miss

Subscribe to RSS - కేసీఆర్